बर्मामा बौद्ध धर्मको सम्बन्ध र इतिहास

बर्मा नेपालीसँग पुरानो साइनो जोडिएको मुलुक हो । कुनै समय नेपालका पहाडी भूभागबाट लावालस्कर सहित बर्माका खेतीयोग्य भूमिमा बसाई जाने चलन थियो । तर सैनिक शासनको उदयसँगै यो क्रम लगभग रोकियो नै त्यहाँ रहेका धेरै नेपाली पुर्खाको भूमि नेपाल फर्किए । तर अझै पनि बर्मामा धेरै नेपालीको स्थायी बसोबास रहेको छ । विभिन्न आँकडा अनुसार त्यहाँ करिब २ लाख नेपालीभाषीको बसोबास रहेको अनुमान गरिन्छ । पुरानो बर्मा र हाल म्यानमार भनिने यो देश बौद्ध धर्मावलम्वीको बाहुल्यता भएको देश हो ।

थेरवाद बौद्धमार्गीको बाहुल्यता भएको बर्मासँग बौद्ध इतिहासको लामो सम्बन्ध छ । सिद्धार्थ गौतमले बुद्धत्व प्राप्त गरेदेखि यो मुलुकमा बौद्ध धर्म पुगेको थियो । बुद्धको शरणमा सबैभन्दा पहिला जाने पनि दुई बर्मेली व्यापारी थिए । तपस्सु र भल्लुक नाम गरेका दुई दाजुभाई बुद्धको शरणमा जाँदा संघको स्थापना समेत भएको थिएन । बुद्धले यी दुई बर्मेली दाजुभाईलाई चिन्हका रुपमा आफ्नो एकमुट्ठी कपाल दिएका थिए । बुद्धको कपाल लिनु अघि तपस्सु र भल्लुकले बुद्धलाई सातु र महको भोजन दान गरेका थिए ।

बर्मामा बौद्ध धर्मावलम्वीले बुद्ध स्वयम् बर्मा पुगेको विश्वास गर्छन् । बोधिज्ञान प्राप्त गरेको तीन महिना पाँच दिनपछि बुद्ध बर्मा पुगेको मानिन्छ । गौतम बुद्ध आफ्नो जीवनकालमै बर्मा पुगेको यस्तो भनाईलाई आधार मान्दा त्यहाँ बौद्ध धर्मको इतिहास गौतम बुद्ध जत्तिकै पुरानो छ । ऐतिहासिक अभिलेखले भने सम्राट अशोकको शासनकालमा बौद्ध धर्म बर्मा पुगेको देखिन्छ । थेरवादी परम्परा अनुसार बर्मामा पाँचौ र छैटौ संगायना भएको थियो । सन् १८७१ मा भएको पाँचौ संगायनाकै क्रममा सम्पुर्ण त्रिपिटक संगमरमरमा कुँदिएको थियो ।

Source: Nepal Buddhist News

तपाईंको प्रतिकृया

नयाँ खबरहरु

नेपालमा थेरवाद र धर्मशीला गुरुमा

धर्मशीला गुरुमाः बाल्यकालः बुद्ध विहार स्थापनाः नेपालको थेरवादको प्राचीन इतिहास स्पष्ट छैन । सन् ६३६...

पानीको जात हुॅंदैन

बौद्ध दर्शन अन्धविश्वास र कसैको लहै-लहैका पछाडि लागेर हिड्दैन । अन्य धर्म-दर्शन को सापेक्षतामा यसमा लैङ्गिक स्वतन्त्रता, समानता, ज्ञान प्राप्ती र...

बौद्ध धर्ममा ब्राम्हणहरुको स्थान

१. बौद्ध धर्मका सूत्रपात: २. बौद्ध-धर्ममा ब्राह्मणहरू प्रवेशः ३. ब्राह्मण हरूप्रति भगवान बुद्धः ...

निगलिहवा – कनकमणि बुद्धको जन्मस्थल।

कनकमणि बुद्धको उल्लेख मुख्यतया भद्रकल्पिका सूत्रमा गरिएको छ भने पाली पुस्तक बुद्ध वंश को २३ औं अध्यायमा पनि देख्न पाईन्छ।

!!! बुद्धिष्ट अध्ययन तथा अभ्यासकर्मीहरुका लागि खुशीको खबर !!!

साघा धावा महिनाभरि अनलाइन बुद्ध शिक्षा प्रवचन प्रत्यक्ष प्रसारण | जेठ ८ देखि असार ७, बिहान ८ बजे दैनिक

अन्य गतिविधि