बौद्धनाथ परिसरमा डोल्मा ह्युल्दोग अर्थात २१ तारादेवी पूजा हुँदै

बौद्ध झ्यारुङ खस्योर छ्योर्तेन रिन्पोछेको प्राङ्गणमा ल्होसारको अवसर पारेर ३ दिन सम्म डोल्मा ह्युल्दोग (२१ तारादेवी) को पुजा कार्यक्रम हुने भएको छ । प्राचीन अनुवाद एकमातृ गुरु संघ, नेपालको आयोजनामा विश्व शान्ति तथा समस्त जगत प्राणीहरुको कल्याण, हितको प्रार्थना गर्दै पूजा गरिन लागिएको हो । तारादेवी पूजाले सम्पुर्ण मानवमा आईपर्ने रोगब्याधी तथा बिघ्न बाधा, अड्चनहरुबाट मुक्ति हुने, सोचेको कार्य पुरा हुने, साथै ब्यापार ब्यवसाय राम्रो हुने धार्मिक विश्वास रहँदै आएको छ ।सेचेन गुम्बाका टुल्कु ग्यूर्मे कुन्साङ र सस्थाका प्रमुख लामा गुरु ङक्पा पेमा ह्रङ्डोलको उपस्थितिमा डोल्मो ह्युल्दोग (२१ तारादेवी)को पूजा हुनेछ ।

पूजाका लागि संस्थाका वरिष्ठ सल्लाहकार एवं समाजसेवी वीरबहादुर गोलेको संयोजकत्वमा विभिन्न उपसमितिहरु समेत गठन गरिएको छ । कार्यक्रम ब्यवस्थपानमा सस्थाका अध्यक्ष राजन कुमार तामाङ (सोनाम), प्रचार–प्रसारमा महासचिव रोज बहादुर तामाङ (च्याङवा), आर्थिकमा कोषध्यक्ष राजु लामा, स्वयमसेवकमा उपाध्यक्ष खेल बहादुर लामा र लामा ब्यवस्थापनमा सोनाम गोले रहेका छन् ।

ल्होसारको अवसरमा पूजा यही फागुण ८, ९ र १० गतेसम्म हुनेछ । पूजामा सहभागि हुन संस्थाका महासचिव रोज बहादुर तामाङ (च्याङ्वा)ले सम्पुर्ण उपासाक–उपासिकाहरुमा हार्दिक निमन्त्रणा समेत गरेका छन् ।

तपाईंको प्रतिकृया

नयाँ खबरहरु

नेपालमा थेरवाद र धर्मशीला गुरुमा

धर्मशीला गुरुमाः बाल्यकालः बुद्ध विहार स्थापनाः नेपालको थेरवादको प्राचीन इतिहास स्पष्ट छैन । सन् ६३६...

पानीको जात हुॅंदैन

बौद्ध दर्शन अन्धविश्वास र कसैको लहै-लहैका पछाडि लागेर हिड्दैन । अन्य धर्म-दर्शन को सापेक्षतामा यसमा लैङ्गिक स्वतन्त्रता, समानता, ज्ञान प्राप्ती र...

बौद्ध धर्ममा ब्राम्हणहरुको स्थान

१. बौद्ध धर्मका सूत्रपात: २. बौद्ध-धर्ममा ब्राह्मणहरू प्रवेशः ३. ब्राह्मण हरूप्रति भगवान बुद्धः ...

निगलिहवा – कनकमणि बुद्धको जन्मस्थल।

कनकमणि बुद्धको उल्लेख मुख्यतया भद्रकल्पिका सूत्रमा गरिएको छ भने पाली पुस्तक बुद्ध वंश को २३ औं अध्यायमा पनि देख्न पाईन्छ।

!!! बुद्धिष्ट अध्ययन तथा अभ्यासकर्मीहरुका लागि खुशीको खबर !!!

साघा धावा महिनाभरि अनलाइन बुद्ध शिक्षा प्रवचन प्रत्यक्ष प्रसारण | जेठ ८ देखि असार ७, बिहान ८ बजे दैनिक

अन्य गतिविधि