काभ्रेको रोशीमा गुम्बा शिलान्यास सम्पन्न

काभ्रेको रोशी गाउँपालिका वडा–२ स्थित ठूलो गाउँमा जोक्पा छेन्पो थर्पालिङ गुम्बाको शिलान्यास भएको छ ।
गुम्बा शिलान्यास शनिवार निर्वाचन क्षेत्र नं. १ काभ्रेका प्रतिनिधिसभा सदस्य गंगाबहादुर तामाङ र आचर्य गुरु सर्वजीत लामाले गरेका हुन् ।

गत वर्षबाट गुम्बा निर्माणको आरम्भमा जुटेको गुम्बाको शिलान्यासमा लामा गुरु आचर्यबाट प्रवचन गरी गुम्बा र बौद्ध धर्मको विशेषताबारे जानकारी दिएका छन् । गुम्बा निर्माणका लागि ठूलो गाउँ निवासी हर्कबहादुर लोप्चन र लालमान लोप्चनले ८÷८ आना जग्गा दान गरिएको छ । निर्माण प्रक्रिया अगाडी बढाउन प्रदेश सांसद चन्द्र लामाको पहलमा बाग्मति प्रदेश विकास मन्त्रालय कार्यन्वयन ईकाई शाखाबाट रु. ४५ लाख बजेट विनियोजित भईसकेको गुम्बा व्यवस्थापन समितिका अध्यक्ष भिमबहादुर लोप्चनले बताएका छन् । परिकल्पना तथा ३ ताले गुम्बा निर्माण सम्पन्न गर्न रु. १ करोड ३६ लाख खर्च लाग्ने अध्यक्ष लामाले बताए ।

विसुन लोप्चन लामा धर्म गुरु तिब्बतबाट नेपाल आगमनको बेला बासास्थानको रुपमा स्वीकार गरी बसोबास गर्दै आएको तामाङ राजाको इतिहास बोकेको सो स्थानमा गत वर्षबाट अभियान आरम्भ भएको थियो ।  वि.सं. १४०१ सालमा स्थापित थर्पालिङ गुम्बा भत्किएर जीर्ण भएपछि सोही गुम्बाको आस्था र चिनारीका लागि हाल समिमित निर्माण भई गुम्बा पुनःनिर्माणको लागि जुटेको स्थानीयहरुले बताएका छन् ।

तामाङ समुदायको पर्व ल्होसारको अवसर परेर गुम्बा शिलान्यास भएको सो कार्यक्रममा प्रमुख अतिथि प्रतिनिधि सभा सदस्य गंगाबहादुर लामा, विशेष अतिथिहरु प्रदेशसभा सदस्य काभ्रेका चन्द्र लामा र रत्न ढाकालले शुभकामना मन्तव्य राख्दै गुम्बा निर्माणमा सहयोग पु¥याउने बताएका थिए । त्यस्तै कलाकार तथा सामाजिक अभियन्ता श्रीकृष्ण सिम्खडा, गायिका जीतु लोप्चन्, गायकहरु विशाल काल्तन, हावा लामा, प्रेम लामा, हास्य कलाकार गणेश राई, विश्वजीत देउजा, मोडल तथा कलाकार मन्सु लामा र यमुना रसालले विशेष प्रस्तुती दिएर मनोरञ्जन दिएका थिए ।

तपाईंको प्रतिकृया

नयाँ खबरहरु

नेपालमा थेरवाद र धर्मशीला गुरुमा

धर्मशीला गुरुमाः बाल्यकालः बुद्ध विहार स्थापनाः नेपालको थेरवादको प्राचीन इतिहास स्पष्ट छैन । सन् ६३६...

पानीको जात हुॅंदैन

बौद्ध दर्शन अन्धविश्वास र कसैको लहै-लहैका पछाडि लागेर हिड्दैन । अन्य धर्म-दर्शन को सापेक्षतामा यसमा लैङ्गिक स्वतन्त्रता, समानता, ज्ञान प्राप्ती र...

बौद्ध धर्ममा ब्राम्हणहरुको स्थान

१. बौद्ध धर्मका सूत्रपात: २. बौद्ध-धर्ममा ब्राह्मणहरू प्रवेशः ३. ब्राह्मण हरूप्रति भगवान बुद्धः ...

निगलिहवा – कनकमणि बुद्धको जन्मस्थल।

कनकमणि बुद्धको उल्लेख मुख्यतया भद्रकल्पिका सूत्रमा गरिएको छ भने पाली पुस्तक बुद्ध वंश को २३ औं अध्यायमा पनि देख्न पाईन्छ।

!!! बुद्धिष्ट अध्ययन तथा अभ्यासकर्मीहरुका लागि खुशीको खबर !!!

साघा धावा महिनाभरि अनलाइन बुद्ध शिक्षा प्रवचन प्रत्यक्ष प्रसारण | जेठ ८ देखि असार ७, बिहान ८ बजे दैनिक

अन्य गतिविधि